Ávinningur göngufunda: Hvað segja rannsóknir og hvernig heldurðu þá?

Á göngufundum er fundarherberginu skipt út fyrir göngustíg, almenningsgarð eða gang. Þeir bæta hreyfingu inn í vinnudaginn og leiða oft til betri samtala. Í fyrri grein sögðum við frá hvernig teymið okkar gerði göngufundi að daglegum vana. Hér skoðum við hvað rannsóknir segja um ávinninginn, hvenær göngufundir henta best og hvernig má halda þá með góðum árangri.

Hvað segja rannsóknir?

• Frjórri hugmyndir. Í röð tilrauna við Stanford jókst skapandi hugsun fólks að meðaltali um 60% við göngu miðað við kyrrsetu og áhrifin vörðu í stutta stund eftir gönguna.
• Minni kyrrseta. Alþjóðaheilbrigðismálastofnunin mælir með því að takmarka kyrrsetu og skipta henni út fyrir hreyfingu, óháð ákefð – göngufundur gerir einmitt það.
• Minni streita úti við. Í einni rannsókn dró 90 mínútna ganga í náttúrunni úr neikvæðu hugsanahringli samanborið við göngu í borgarumhverfi. Þá hefur dvöl í náttúrunni í að minnsta kosti 120 mínútur á viku verið tengd betri heilsu og vellíðan.

7 kostir göngufunda

1. Betra hugmyndaflæði: ganga hjálpar hugmyndunum að flæða.
2. Hreyfing á vinnudeginum: 30 mínútna göngufundur bætir við um 3.000 skrefum.
3. Ferskt loft og dagsbirta, sem er sérstaklega dýrmætt yfir dimmustu mánuðina.
4. Auðveldari samtöl: mörgum finnst óformlegra að spjalla hlið við hlið en að sitja hvort á móti öðru við borð.
5. Færri truflanir: engir skjáir, engar tilkynningar.
6. Meiri orka það sem eftir er síðdegis.
7. Sterkari tengsl: að ganga saman byggir upp traust – sjáðu hvað taugavísindin segja um göngur með teyminu.

Hvenær henta göngufundir best (og hvenær ekki)?

Henta vel fyrir: samtöl tveggja, hugmyndavinnu, stöðusamtöl, markþjálfunarsamtöl og litla hópa tveggja til fjögurra.

Henta síður fyrir: fundi sem krefjast skjáa eða ítarlegra minnispunkta, trúnaðarmál á fjölförnum leiðum og stóra hópa.

Svona heldurðu góðan göngufund

1. Deildu stuttri dagskrá með einu til þremur umræðuefnum.
2. Skipuleggðu 20–30 mínútna hring sem endar þar sem þið byrjuðuð, eftir öruggri og rólegri leið.
3. Láttu fólk vita fyrir fram svo það geti tekið með þægilega skó og jakka.
4. Skráðu ákvarðanir strax á eftir með stuttri raddupptöku eða nokkrum línum í glósuforritinu þínu.
5. Hafðu alla með: veldu leiðir án þrepa, haltu þægilegum hraða og bjóddu þeim sem kjósa að sitja eða taka þátt í síma upp á þann kost.
6. Vertu með plan fyrir vont veður: gangar, yfirbyggðar gönguleiðir eða göngubraut innandyra henta líka.
7. Ræddu viðkvæm mál í næði: veldu fáfarnar leiðir eða færðu trúnaðarsamtöl inn fyrir.

Gerðu þetta að vana

Þegar stjórnendur halda sjálfir göngufundi verður það eðlilegur hluti vinnudagsins hjá öðrum. Önnur einföld leið er að tengja göngufundi við skrefaáskorun teymisins – skrefin teljast sjálfkrafa úr símum og snjalltækjum. Skoðaðu appið fyrir gönguáskoranir og hugmyndirnar okkar að skrefaáskorunum á vinnustaðnum.

Viltu fá teymið þitt til að ganga meira? Bókaðu kynningu á YuMuuv.