NOTKUNARSKILMÁLAR LOKANOTENDA FYRIR STAFRÆNAN VETTVANG YuMuuv

1. ALMENNT

1.1. Þessir notkunarskilmálar lokanotenda (hér eftir „skilmálar“) gilda þegar þú, sem skráður notandi (hér eftir „notandi“ eða „þú“), notar YuMuuv-vettvanginn sem er aðgengilegur á www.yumuuv.com og í gegnum farsímaforritið (saman hér eftir „YuMuuv-vettvangurinn“). Vettvangurinn er í boði yuMuuv OÜ, eistnesks fyrirtækis með skráningarnúmerið 14636730 og skráð heimilisfang að Savi 4C, 50405 Tartu, Eistlandi (hér eftir „YuMuuv“ eða „við“).

1.2. Tilgangur þessara skilmála er að skilgreina þau skilyrði sem gilda um veitingu YuMuuv á þjónustunni sem getið er í grein 2.1.

2. NOTKUN OG REKSTUR YuMuuv-VETTVANGSINS

2.1. YuMuuv-vettvangurinn gerir notendum kleift að taka þátt í vellíðunaráskorunum, búa til eigin vellíðunaráskoranir fyrir allt að 10 manns, samþætta gögn úr öðrum vellíðunaröppum og snjalltækjum sem borin eru á líkamanum við YuMuuv-vettvanginn og nota viðbótareiginleika sem lýst er á YuMuuv-vettvanginum (hér eftir „þjónustan“).

2.2. Þú sem notandi getur notað þjónustuna þegar fyrirtækjaviðskiptavinur okkar (hér eftir „viðskiptavinurinn") hefur veitt þér aðgangskóða. Nettenging er nauðsynleg til að nota þjónustuna. Þú getur opnað YuMuuv-vettvanginn í gegnum vafra eða farsíma. Hugsanlega geturðu ekki opnað YuMuuv-vettvanginn ef stýrikerfi farsímans þíns er ekki uppfært. Kröfum um samhæfni er lýst á vefsíðu okkar og/eða í appverslunum.

2.3. YuMuuv-vettvangurinn er aðgengilegur á netinu allan sólarhringinn, nema þegar um óviðráðanleg atvik er að ræða eða fyrirhugaðar eða ófyrirséðar truflanir vegna viðhalds. Í þessum skilmálum merkir „óviðráðanlegt atvik“ hvers kyns ófyrirséðar aðstæður sem verða án sakar aðila eða eru utan þess sem hann getur með sanngirni ráðið við, þar á meðal, en ekki takmarkað við, netrof, fjarskiptarof, vandamál tengd upplýsingatækni, eldsvoða, flóð eða stríð.

2.4. YuMuuv áskilur sér rétt til að stöðva eða loka aðgangi að YuMuuv-vettvanginum í heild eða að hluta hvenær sem er og af hvaða ástæðu sem er, einkum vegna viðhalds eða uppfærslna eða ef árás er gerð á YuMuuv-vettvanginn.

2.5. YuMuuv-vettvangurinn kann að innihalda tengla á vefsíður þriðju aðila sem tilheyra samstarfsaðilum okkar, en YuMuuv ber ekki ábyrgð á slíkum vefsíðum eða efni þeirra. YuMuuv-vettvangurinn er ekki tengdur þessum vefsíðum þriðju aðila og þú berð ein/n ábyrgð á notkun þinni á þeim og því að fara eftir notkunarskilmálum þeirra.

2.6. Með því að nota YuMuuv-vettvanginn, þar á meðal þjónustuna, skoða YuMuuv-vettvanginn og/eða skrá þig sem notanda á YuMuuv-vettvanginum, staðfestir þú hér með  að: (i) þú sért að minnsta kosti 18 ára eða hafir leyfi foreldris eða lögráðamanns til að fá aðgang að og nota YuMuuv-vettvanginn og þjónustuna; (ii) þú hafir heimild til að gera bindandi samning við okkur og að engin gildandi lög banni þér að gera það; (iii) þú sért réttmætur handhafi allra réttinda sem þér ber að veita okkur samkvæmt þessum skilmálum eða eru nauðsynleg til að veita þjónustuna og hafir fulla heimild til að veita okkur þau; og (iv) þú munir nota notandareikninginn þinn (skilgreindur hér að neðan) í samræmi við þessa skilmála og gildandi lög og/eða reglur. Þú skuldbindur þig til að nota ekki YuMuuv-vettvanginn til ólöglegrar starfsemi eða í viðskiptalegum tilgangi nema til að uppfylla þær skyldur sem kveðið er á um í þessum skilmálum.

2.7. Þú samþykkir að hvers kyns misnotkun eða illgjörn, óviðeigandi, truflandi, stýrandi eða sviksamleg notkun þín á YuMuuv-vettvanginum veiti YuMuuv rétt til að loka notandareikningnum þínum tímabundið eða varanlega og/eða takmarka núverandi eða framtíðarnotkun þína á YuMuuv-vettvanginum. Brot á framangreindum bönnum geta leitt til skaðabótaábyrgðar og/eða refsiábyrgðar þess sem brýtur gegn þeim.

2.8. YuMuuv áskilur sér rétt til að breyta þjónustunni sem er í boði og efni hennar, meðal annars vegna þróunar, aðlögunar að nýju tæknilegu umhverfi eða af öðrum mikilvægum ástæðum sem tengjast efnislegum breytingum. YuMuuv hefur einnig rétt til að uppfæra þjónustuna og efni hennar til að tryggja að hún samræmist skilmálunum og/eða viðeigandi lögum og reglum, meðal annars til að tryggja örugga notkun þjónustunnar. Upplýsingum um breytingar og uppfærslur á þjónustunni verður komið til þín á YuMuuv-vettvanginum.

3. NOTANDAREIKNINGUR

3.1. Til að nota þjónustu YuMuuv þarf viðskiptavinur okkar að deila tilteknum aðgangskóða með þér svo þú getir skráð notandareikning á YuMuuv-vettvanginum (hér eftir „notandareikningur“). Sem notandi geturðu skráð þig inn á YuMuuv-vettvanginn með persónulegum innskráningarupplýsingum þínum.

3.2. Með því að senda inn gögn við skráningu staðfestir þú að: (i) skráningarupplýsingarnar séu réttar, nákvæmar, uppfærðar og fullnægjandi; og (ii) þú munir halda viðeigandi skráningarupplýsingum uppfærðum til að tryggja að þær séu ávallt réttar, nákvæmar, uppfærðar og fullnægjandi. Til að ljúka skráningu þarftu að veita þær upplýsingar sem óskað er eftir í skráningarferlinu.

3.3. Ef þú veitir rangar, ónákvæmar, úreltar eða ófullnægjandi upplýsingar hefur YuMuuv rétt til að loka notandareikningnum þínum tímabundið eða varanlega og/eða takmarka núverandi eða framtíðarnotkun þína á YuMuuv-vettvanginum eða einstökum eiginleikum hans.

3.4. Þú berð einnig ábyrgð á að halda skráningarupplýsingum þínum (t.d. lykilorði) leyndum og á allri virkni sem á sér stað þegar þú ert innskráð/ur.

3.5. Ef þú ert ekki lengur í starfi hjá eða á annan hátt tengd/ur viðskiptavini YuMuuv verður notandareikningnum þínum ekki sjálfkrafa eytt og hann verður áfram tengdur þér. Hægt er að tengja notandareikninginn við annan viðskiptavin ef við á.

4. GREIÐSLA FYRIR ÞJÓNUSTU YuMuuv

4.1. Greiðsla fyrir þjónustuna er á ábyrgð viðskiptavinarins og fer eftir sérstökum samningi. Þjónustan er ókeypis fyrir notandann. 

5. EIGNARRÉTTINDI

5.1. YuMuuv-vettvangurinn og öll vörumerki, kennimerki og önnur auðkenni, allur hugbúnaður sem er notaður á honum eða er hluti af honum og allt efni á YuMuuv-vettvanginum (þ.e. allir textar, myndskeið, ljósmyndir og hvers kyns aðrar upplýsingar, óháð sniði eða eðli, sem birtast á YuMuuv-vettvanginum) (hér eftir „eignir“) eru einkaeign YuMuuv eða þriðju aðila sem hafa heimilað notkun slíks efnis, að undanskildu efni, upplýsingum og gögnum sem notandinn setur inn (hér eftir „notandaefni“).

5.2. Eignirnar kunna að falla undir og njóta verndar höfundarréttar, vörumerkjaréttar, einkaleyfisréttar eða annarra hugverkaréttinda. Hvers kyns notkun upplýsinga sem birtar eru á YuMuuv-vettvanginum (þar á meðal eignanna) í viðskiptalegum tilgangi er stranglega bönnuð.

5.3. Að því tilskildu að notandinn fari eftir þessum skilmálum veitir YuMuuv notandanum afturkallanlegt leyfi án einkaréttar til að nota YuMuuv-vettvanginn innan þess ramma og í þeim tilgangi sem þjónustan er boðin.

5.4. Óheimilt er að taka út, endurnýta, selja, dreifa, breyta, þýða eða fjölfalda upplýsingar sem birtar eru á YuMuuv-vettvanginum (þar á meðal eignirnar), eða nokkurn hluta þeirra, án fyrirframgefins, skýrs og skriflegs leyfis YuMuuv. Brot á framangreindum bönnum geta leitt til skaðabótaábyrgðar og/eða refsiábyrgðar þess sem brýtur gegn þeim. Þetta bann nær ekki til réttar notandans til að deila árangri sínum og framförum á YuMuuv-vettvanginum í markaðslegum tilgangi.

5.5. Notandinn ber einn ábyrgð á öllu notandaefni og YuMuuv ber enga ábyrgð á notandaefni, þar á meðal ef því er eytt, það leiðrétt, eyðilagt, skemmt eða tapast, eða ef það er ekki vistað eða afritað, að undanskildu notandaefni sem inniheldur persónuupplýsingar notenda. Notandinn tryggir að notandaefni brjóti hvorki gegn þessum skilmálum né gildandi lögum, sé ekki ærumeiðandi, rógberandi, ósæmilegt, móðgandi, klámfengið eða ógnandi, feli ekki í sér brot á eða ólögmæta nýtingu hugverkaréttinda eða annarra réttinda þriðju aðila, sé ekki rangt, villandi eða ónákvæmt og innihaldi ekki vírusa eða forritakóða sem ætlað er að skaða þjónustuna. 

5.6. Til að gera YuMuuv kleift að veita þjónustuna veitir notandinn YuMuuv hér með landfræðilega ótakmarkaðan, óafturkallanlegan, gjaldfrjálsan rétt án einkaréttar og með heimild til að veita undirleyfi til að nota, vista, afrita (og fjölfalda), breyta (og búa til afleidd verk), þýða, birta og dreifa notandaefni eftir því sem nauðsynlegt er til að veita þjónustuna samkvæmt þessum skilmálum. YuMuuv er einnig heimilt að varðveita og afhenda notandaefni ef lög krefjast þess eða ef YuMuuv telur í góðri trú að varðveisla eða afhending notandaefnis sé nauðsynleg til að framfylgja þessum skilmálum eða stofna, hafa uppi eða verja réttarkröfur.

6. VINNSLA PERSÓNUUPPLÝSINGA OG NOTKUN VAFRAKAKA

6.1. YuMuuv vinnur með persónuupplýsingar á YuMuuv-vettvanginum sem ábyrgðaraðili. YuMuuv vinnur með persónuupplýsingar og notar vafrakökur á YuMuuv-vettvanginum í samræmi við persónuverndarstefnu YuMuuv, sem er aðgengileg á https://yumuuv.com/privacy-policy.

7. ÁBYRGÐ

7.1. Þótt við gerum ráðstafanir til að viðhalda öruggu umhverfi er mikilvægt að gera sér grein fyrir því að allri netþjónustu fylgir hugsanleg áhætta. YuMuuv ber því ekki ábyrgð á spilliforritum sem kunna að sýkja tölvu, farsíma eða annan vélbúnað eða hugbúnað notandans við notkun YuMuuv-vettvangsins, né á tapi eða breytingum á gögnum sem hljótast af notkun YuMuuv-vettvangsins. Þú berð ábyrgð á að gera allar viðeigandi ráðstafanir til að verja gögnin þín, tölvukerfi og hugbúnað gegn mögulegum vírusum, trójuhestum eða, almennt séð, hvers kyns tölvuforritum sem gæti verið dreift á stafrænum vettvangi.

7.2. Með fyrirvara um gildandi lög ber YuMuuv ekki ábyrgð á beinu eða óbeinu tjóni (þar á meðal hagnaðartapi) sem tengist notkun YuMuuv-vettvangsins eða því að ekki sé hægt að nota hann, né almennt á brotum gegn þessum skilmálum eða atvikum sem tengjast YuMuuv-vettvanginum, svo sem einkum tæknibilunum, rekstrarstöðvunum, truflunum eða breytingum á YuMuuv-vettvanginum.

7.3. Að því marki sem gildandi lög heimila undanskiljum við alla ábyrgð, yfirlýsingar, ábyrgðarloforð og skilyrði sem tengjast brotum gegn þessum skilmálum, veitingu YuMuuv-vettvangsins og þjónustunnar og notkun YuMuuv-vettvangsins. Ekkert í þessari ábyrgðartakmörkun takmarkar eða útilokar ábyrgð vegna dauða eða líkamstjóns, ábyrgð vegna svika eða sviksamlegrar upplýsingagjafar, ábyrgð vegna stórfellds gáleysis eða ásetnings, eða aðra ábyrgð sem ekki er heimilt að útiloka samkvæmt gildandi lögum.

7.4. Athugaðu einnig að þú berð áfram ein/n ábyrgð á öllum gögnum sem þú kannt að senda YuMuuv. YuMuuv ber ekki ábyrgð á villum, vöntun eða ónákvæmni í þeim gögnum sem þú hefur sent. Umfram allt berð þú sem notandi ábyrgð á öryggi þeirra upplýsinga sem notaðar eru til að opna notandareikninginn þinn, þar á meðal netfangs, farsímanúmers og lykilorðs, sem og á öryggi notandareikningsins sjálfs. Þú berð einnig ábyrgð á að halda reikningsupplýsingum notandareikningsins þíns leyndum.

7.5. Ekkert í þessum skilmálum takmarkar eða útilokar ábyrgð YuMuuv ef ekki er heimilt að takmarka eða útiloka slíka ábyrgð samkvæmt gildandi lögum. Með fyrirvara um þær takmarkanir sem kveðið er á um í þessum skilmálum hefurðu rétt til að nýta þau réttarúrræði sem gildandi lög heimila.

8. ÝMIS ÁKVÆÐI

8.1. YuMuuv áskilur sér rétt til að breyta eða uppfæra þessa skilmála einhliða hvenær sem er ef málefnalegar ástæður eru fyrir slíkri breytingu eða uppfærslu (t.d. breytingar á gildandi lögum, lögmætir viðskiptahagsmunir YuMuuv, endurbætur á núverandi eiginleikum o.s.frv.). Allar breytingar á skilmálunum eru birtar á YuMuuv-vettvanginum og við munum tilkynna þér um allar verulegar breytingar og uppfærslur með því að senda þér tilkynningu á YuMuuv-vettvanginum eða á netfangið sem þú hefur gefið okkur. Ef þú samþykkir ekki breytingarnar á þessum skilmálum er þér frjálst að hætta notkun YuMuuv-vettvangsins.

8.2. Þú getur lokað notandareikningnum þínum hvenær sem er. 

8.3. Hvorki YuMuuv né notandinn ber ábyrgð á broti á þeim skyldum sem kveðið er á um í þessum skilmálum ef brotið má rekja til óviðráðanlegra atvika.

8.4. Þótt við framfylgjum ekki tilteknu ákvæði þessara skilmála eða nýtum ekki rétt samkvæmt þeim í eitt skipti takmarkar það ekki rétt okkar til að krefjast efnda eða nýta rétt okkar síðar.

8.5. Ef eitthvert ákvæði þessara skilmála telst ógilt, marklaust eða óframfylgjanlegt af hvaða ástæðu sem er skal litið svo á að það falli brott úr skilmálunum, en aðrir hlutar þeirra halda gildi sínu og eru áfram framfylgjanlegir.

8.6. Viðeigandi dómstólar í Eistlandi hafa lögsögu vegna þessara skilmála og allra annarra samninga milli YuMuuv og notandans. Við áskiljum okkur þó rétt til að höfða mál gegn þér vegna brota á þessum skilmálum í búsetulandi þínu eða öðru landi sem við á. Þú hefur einnig rétt til að höfða mál gegn okkur í búsetulandi þínu. Viðeigandi eistnesk lög gilda um þessa skilmála og ófrávíkjanleg ákvæði um neytendavernd í búsetulandi þínu gilda einnig. Ef þú ert neytandi í Eistlandi geturðu lagt fram kröfu hjá úrskurðarnefnd neytendamála utan dómstóla (Tarbijavaidluste komisjon (https://ttja.ee/tarbijavaidluste-komisjon)) eða nýtt þér netvettvang fyrir lausn neytendadeilumála: https://ec.europa.eu/consumers/odr/main/?event=main.home2.show.

Síðast uppfært: 24. apríl 2025