MGA TUNTUNIN NG PAGGAMIT PARA SA END USER NG DIGITAL NA PLATAPORMA NG YUMUUV
1. PANGKALAHATAN
1.1. Ang mga tuntunin ng paggamit na ito para sa end user (mula rito ay tinutukoy bilang “Mga Tuntunin”) ay nalalapat kapag ikaw, bilang rehistradong Gumagamit (mula rito ay tinutukoy bilang “Gumagamit” o “ikaw”), ay gumagamit ng plataporma ng YuMuuv na maa-access sa www.yumuuv.com at sa mobile application (sama-samang tinutukoy mula rito bilang “Plataporma ng YuMuuv”) na iniaalok ng yuMuuv OÜ, isang kumpanya sa Estonia na may registry code na 14636730 at nakarehistrong address sa Savi 4C, 50405 Tartu, Estonia (mula rito ay tinutukoy bilang “YuMuuv” o “kami”).
1.2. Layunin ng Mga Tuntuning ito na tukuyin ang mga tuntunin at kundisyon kung paano ibinibigay ng YuMuuv ang mga Serbisyong binanggit sa sugnay 2.1.
2. PAGGAMIT AT PAGPAPATAKBO NG PLATAPORMA NG YUMUUV
2.1. Binibigyang-daan ng Plataporma ng YuMuuv ang mga Gumagamit na sumali sa mga hamon para sa kalusugan at kagalingan, gumawa ng sarili nilang mga hamon para sa hanggang 10 tao, isama sa Plataporma ng YuMuuv ang data mula sa iba pang app para sa kalusugan at kagalingan at mula sa mga naisusuot na device, at gumamit ng mga karagdagang feature na inilalarawan sa Plataporma ng YuMuuv (mula rito ay tinutukoy bilang “Mga Serbisyo”).
2.2. Bilang Gumagamit, maaari mong gamitin ang Mga Serbisyo kapag nabigyan ka ng access code ng aming kliyenteng negosyo (mula rito ay tinutukoy bilang “Kliyente"). Kailangan ng koneksyon sa internet upang magamit ang Mga Serbisyo. Maa-access mo ang Plataporma ng YuMuuv sa pamamagitan ng iyong internet browser o mobile phone. Maaaring hindi mo ma-access ang Plataporma ng YuMuuv kung hindi napapanahon ang operating system ng iyong mobile phone. Inilalarawan sa aming website at/o sa mga mobile app store ang mga kinakailangan para sa pagiging compatible.
2.3. Maa-access online ang Plataporma ng YuMuuv nang 24 na oras bawat araw, maliban sa mga kaso ng force majeure o mga nakaiskedyul o hindi nakaiskedyul na pagkaantala na maaaring dulot ng pangangailangan sa pagpapanatili ng sistema. Para sa Mga Tuntuning ito, ang “force majeure” ay ang paglitaw ng anumang hindi inaasahang pangyayari na walang kasalanan ang isang panig o hindi nito makatuwirang makontrol, kabilang ang, ngunit hindi limitado sa, pagkawala ng internet, pagkaantala ng komunikasyon, mga isyu at problemang may kaugnayan sa teknolohiya ng impormasyon, sunog, baha o digmaan.
2.4. Inilalaan ng YuMuuv ang karapatang suspindihin o harangan anumang oras ang pag-access sa kabuuan o bahagi ng Plataporma ng YuMuuv sa anumang dahilan, lalo na para sa pagpapanatili o pag-update o kung may pag-atake sa Plataporma ng YuMuuv.
2.5. Maaaring may mga hyperlink sa Plataporma ng YuMuuv na papunta sa mga website ng ikatlong partido na pag-aari ng aming mga kasosyo, ngunit hindi mananagot ang YuMuuv para sa mga naturang website o sa nilalaman ng mga ito. Walang kaugnayan ang Plataporma ng YuMuuv sa mga naturang website ng ikatlong partido, at ikaw lamang ang responsable sa paggamit mo ng mga ito at sa pagsunod sa kanilang mga tuntunin ng paggamit.
2.6. Sa paggamit ng Plataporma ng YuMuuv, kabilang ang Mga Serbisyo, pag-browse sa Plataporma ng YuMuuv at/o pagpaparehistro bilang Gumagamit sa Plataporma ng YuMuuv, ikaw ay nagpapatunay na: (i) ikaw ay hindi bababa sa 18 taong gulang o may pahintulot ng iyong magulang o legal na tagapag-alaga na i-access at gamitin ang Plataporma ng YuMuuv at ang Mga Serbisyo; (ii) may kakayahan kang pumasok sa isang kontratang may bisa sa batas sa amin at hindi ka pinagbabawalan sa anumang paraan na gawin ito sa ilalim ng anumang naaangkop na batas, (iii) ikaw ang lehitimong may-ari at may ganap na kapangyarihang ipagkaloob sa amin ang anumang karapatang kailangan mong ipagkaloob sa amin sa ilalim ng Mga Tuntuning ito o na kinakailangan para sa pagbibigay ng Mga Serbisyo, at (iv) gagamitin mo ang iyong Account ng Gumagamit (na tinutukoy sa ibaba) alinsunod sa Mga Tuntuning ito at sa mga naaangkop na probisyon ng batas at/o regulasyon. Nangangako kang hindi gagamitin ang Plataporma ng YuMuuv para sa mga ilegal na aktibidad o komersyal na layunin maliban sa pagtupad sa mga obligasyong nakasaad sa Mga Tuntuning ito.
2.7. Sumasang-ayon ka na ang anumang maling paggamit o paggamit mo sa Plataporma ng YuMuuv na may masamang layunin, hindi naaangkop, nakakagambala, mapagmanipula o mapanlinlang ay nagbibigay sa YuMuuv ng karapatang pansamantalang suspindihin o wakasan ang iyong Account ng Gumagamit at/o limitahan ang kasalukuyan o hinaharap mong paggamit ng Plataporma ng YuMuuv. Ang hindi pagsunod sa mga pagbabawal sa itaas ay maaaring magresulta sa pananagutang sibil at/o kriminal para sa lumabag.
2.8. Inilalaan ng YuMuuv ang karapatang baguhin ang Mga Serbisyong iniaalok at ang nilalaman ng mga ito, kabilang ang para sa pagpapaunlad, pag-angkop sa mga bagong teknikal na kapaligiran o iba pang mahahalagang dahilan na may kaugnayan sa malalaking pagbabago. May karapatan din ang YuMuuv na i-update ang Mga Serbisyo at ang nilalaman ng mga ito upang matiyak na sumusunod ang mga serbisyo sa Mga Tuntunin at/o sa mga kaugnay na batas at regulasyon, kabilang ang pagtiyak sa ligtas na paggamit ng Mga Serbisyo. Ipapaalam sa iyo sa Plataporma ng YuMuuv ang impormasyon tungkol sa mga pagbabago at update na may kaugnayan sa Mga Serbisyo.
3. ACCOUNT NG GUMAGAMIT
3.1. Upang magamit ang Mga Serbisyo ng YuMuuv, dapat ibahagi sa iyo ng aming Kliyente ang isang partikular na access code upang makapagrehistro ka ng account ng gumagamit sa Plataporma ng YuMuuv (mula rito ay tinutukoy bilang “Account ng Gumagamit”). Bilang Gumagamit, makakapag-sign in ka sa Plataporma ng YuMuuv gamit ang iyong mga personal na kredensyal.
3.2. Sa pagsusumite ng data sa proseso ng pagpaparehistro, pinatutunayan mong: (i) tama, tumpak, napapanahon at kumpleto ang data sa pagpaparehistro; at (ii) pananatilihin mong napapanahon ang kaugnay na data sa pagpaparehistro upang matiyak na tama, tumpak, napapanahon at kumpleto ito sa lahat ng oras. Upang makumpleto ang pagpaparehistro, dapat mong isumite ang impormasyong hinihingi sa proseso ng pagpaparehistro.
3.3. Kung magbibigay ka ng mali, hindi tumpak, hindi napapanahon o hindi kumpletong data, may karapatan ang YuMuuv na pansamantalang suspindihin o wakasan ang iyong Account ng Gumagamit at/o limitahan ang kasalukuyan o hinaharap mong paggamit ng Plataporma ng YuMuuv o ng alinman sa mga function nito.
3.4. Responsable ka rin sa pagpapanatiling kumpidensyal ng iyong data sa pagpaparehistro (hal. password) at sa anumang aktibidad na isinasagawa habang naka-log in.
3.5. Kung hindi ka na nagtatrabaho para sa o wala ka nang ibang kaugnayan sa Kliyente ng YuMuuv, hindi awtomatikong mabubura ang iyong Account ng Gumagamit at mananatili itong nakaugnay sa iyo. Maaaring iugnay ang Account ng Gumagamit sa ibang Kliyente kung naaangkop.
4. PAGBABAYAD PARA SA MGA SERBISYO NG YUMUUV
4.1. Nananatiling obligasyon ng Kliyente ang pagbabayad para sa Mga Serbisyo at saklaw ito ng hiwalay na kasunduan. Libre ang Mga Serbisyo para sa Gumagamit.
5. MGA KARAPATAN SA PAGMAMAY-ARI
5.1. Ang Plataporma ng YuMuuv at anumang trademark, logo at iba pang natatanging tanda, anumang software na ginagamit o kasama rito, at lahat ng nilalaman sa Plataporma ng YuMuuv (ibig sabihin, anumang teksto, video, larawan at iba pang impormasyon sa anumang format at anumang uri na lumalabas sa Plataporma ng YuMuuv) (mula rito ay tinutukoy bilang “Ari-arian”) ay eksklusibong pag-aari ng YuMuuv o ng mga ikatlong partidong nagpahintulot sa paggamit ng naturang nilalaman, maliban sa nilalaman, impormasyon at data na inilagay ng Gumagamit (mula rito ay tinutukoy bilang “Nilalaman ng Gumagamit”).
5.2. Ang Ari-arian ay maaaring saklaw at protektado ng copyright, trademark, patent o iba pang karapatan sa intelektuwal na ari-arian. Mahigpit na ipinagbabawal ang anumang komersyal na paggamit ng impormasyong inilathala sa Plataporma ng YuMuuv (kabilang ang Ari-arian).
5.3. Binibigyan ng YuMuuv ang Gumagamit, alinsunod sa pagsunod ng Gumagamit sa Mga Tuntuning ito, ng isang nababawi at hindi eksklusibong lisensya na gamitin ang Plataporma ng YuMuuv sa loob ng saklaw at para sa mga layunin ng Mga Serbisyong iniaalok.
5.4. Ipinagbabawal ang pagkuha, muling paggamit, pagbebenta, pamamahagi, pagbabago, pagsasalin o pagpaparami ng impormasyong inilathala sa Plataporma ng YuMuuv (kabilang ang Ari-arian) o ng anumang bahagi nito nang walang nauna at tahasang nakasulat na pahintulot ng YuMuuv. Ang hindi pagsunod sa mga pagbabawal sa itaas ay maaaring magresulta sa pananagutang sibil at/o kriminal para sa lumabag. Hindi saklaw ng pagbabawal na ito ang karapatan ng Gumagamit na ibahagi ang mga tagumpay at pag-unlad sa Plataporma ng YuMuuv para sa mga layunin ng marketing.
5.5. Ang Gumagamit lamang ang responsable para sa lahat ng Nilalaman ng Gumagamit, at walang responsibilidad o pananagutan ang YuMuuv para sa anumang Nilalaman ng Gumagamit, kabilang ang anumang pagbura, pagwawasto, pagkasira, pinsala, pagkawala o hindi pag-imbak o paggawa ng backup ng anumang Nilalaman ng Gumagamit, maliban sa Nilalaman ng Gumagamit na may personal na data ng mga Gumagamit. Tinitiyak ng Gumagamit na ang Nilalaman ng Gumagamit ay hindi lumalabag sa Mga Tuntuning ito o sa anumang naaangkop na batas, hindi mapanirang-puri, mapanira sa reputasyon, malaswa, mapang-abuso, pornograpiko o nagbabanta, hindi lumalabag o umaangkin nang labag sa batas sa mga karapatan sa intelektuwal na ari-arian o iba pang karapatan ng sinumang ikatlong partido, hindi mali, mapanlinlang o hindi tumpak, at walang anumang virus o mga bahagi ng programang nilalayong makapinsala sa Mga Serbisyo.
5.6. Upang maibigay ang Mga Serbisyo, ipinagkakaloob ng Gumagamit sa YuMuuv ang isang karapatang walang limitasyong heograpiko, hindi mababawi, hindi eksklusibo, maaaring bigyan ng sublicense at walang bayad na gamitin, iimbak, kopyahin (at paramihin), baguhin (at lumikha ng mga akdang hango rito), isalin, ipakita at ipamahagi ang Nilalaman ng Gumagamit kung kinakailangan upang maibigay ang Mga Serbisyo sa ilalim ng Mga Tuntuning ito. Maaari ring panatilihin at ibunyag ng YuMuuv ang Nilalaman ng Gumagamit kung inaatas ng batas, o kung naniniwala ang YuMuuv nang may mabuting loob na kailangang panatilihin o ibunyag ang Nilalaman ng Gumagamit upang ipatupad ang Mga Tuntuning ito o upang magtatag, magsulong at ipagtanggol ang mga legal na paghahabol.
6. PAGPROSESO NG PERSONAL NA DATA AT PAGGAMIT NG COOKIES
6.1. Pinoproseso ng YuMuuv ang personal na data sa Plataporma ng YuMuuv bilang tagakontrol ng data. Pinoproseso ng YuMuuv ang personal na data at gumagamit ito ng cookies sa Plataporma ng YuMuuv alinsunod sa Patakaran sa Privacy ng YuMuuv, na makikita sa https://yumuuv.com/privacy-policy.
7. PANANAGUTAN
7.1. Bagama't nagsasagawa kami ng mga hakbang upang mapanatili ang isang ligtas na kapaligiran, mahalagang maunawaan na may mga posibleng panganib sa anumang online na serbisyo. Kaya, hindi maaaring panagutin ang YuMuuv para sa anumang mapaminsalang programa na maaaring makahawa sa computer o mobile device ng Gumagamit o sa anumang iba pang hardware o software habang ginagamit ang Plataporma ng YuMuuv, ni para sa anumang pagkawala o pagbabago ng data na dulot ng paggamit ng Plataporma ng YuMuuv. Responsibilidad mong gawin ang lahat ng angkop na hakbang upang protektahan ang iyong data, mga computer system o software laban sa pagkahawa ng mga posibleng virus, trojan o, sa pangkalahatan, anumang programa sa computer na maaaring ikalat sa isang digital na plataporma.
7.2. Alinsunod sa naaangkop na batas, hindi maaaring panagutin ang YuMuuv para sa anumang direkta o hindi direktang pinsala (kabilang ang pagkawala ng kita) na may kaugnayan sa paggamit o kawalan ng kakayahang gamitin ang Plataporma ng YuMuuv at, sa pangkalahatan, para sa anumang paglabag sa Mga Tuntuning ito o pangyayaring may kaugnayan sa Plataporma ng YuMuuv, gaya ng, partikular na, mga teknikal na pagkabigo, pagkasira, pagkaantala o pagbabago sa Plataporma ng YuMuuv.
7.3. Sa pinakamalawak na saklaw na pinahihintulutan ng naaangkop na batas, ibinubukod namin ang lahat ng pananagutan, pahayag, garantiya at kundisyong may kaugnayan sa anumang paglabag sa Mga Tuntuning ito, sa pagbibigay ng Plataporma ng YuMuuv at Mga Serbisyo, at sa paggamit ng Plataporma ng YuMuuv. Walang anuman sa pagtatangging ito ng pananagutan ang maglilimita o magbubukod sa pananagutan para sa pagkamatay o personal na pinsala, pananagutan para sa pandaraya o mapanlinlang na paglalahad, pananagutang dulot ng matinding kapabayaan o sadyang maling gawain, o anumang iba pang pananagutang hindi maaaring ibukod sa ilalim ng naaangkop na batas.
7.4. Pakitandaan din na ikaw lamang ang nananatiling responsable para sa anumang data na maaari mong ibigay sa YuMuuv. Hindi mananagot ang YuMuuv kung may pagkakamali, kakulangan o kawalan ng katumpakan sa data na iyong ibinigay. Higit sa lahat, bilang Gumagamit, responsable ka sa seguridad ng data na ginagamit upang ma-access ang iyong Account ng Gumagamit, kabilang ang iyong e-mail address, mobile phone number at password, pati na rin sa seguridad ng iyong Account ng Gumagamit. Responsable ka rin sa pagpapanatiling lihim ng data ng iyong Account ng Gumagamit.
7.5. Walang anuman sa Mga Tuntuning ito ang naglilimita o nagbubukod sa pananagutan ng YuMuuv kung ang naturang pananagutan ay hindi maaaring limitahan o ibukod sa ilalim ng naaangkop na batas. Alinsunod sa mga paghihigpit na nakasaad sa Mga Tuntuning ito, may karapatan kang gumamit ng mga legal na remedyo na pinahihintulutan ng naaangkop na batas.
8. IBA PANG PROBISYON
8.1. Inilalaan ng YuMuuv ang karapatang baguhin o i-update ang Mga Tuntuning ito nang mag-isa anumang oras kung may makatuwirang batayan para sa naturang pagbabago o pag-update (hal. mga pagbabago sa naaangkop na batas, mga lehitimong interes sa negosyo ng YuMuuv, pagpapahusay ng mga kasalukuyang function, atbp.). Inilalathala sa Plataporma ng YuMuuv ang lahat ng pagbabago sa Mga Tuntunin, at ipapaalam namin sa iyo ang anumang malalaking pagbabago at update sa pamamagitan ng pagpapadala ng kaugnay na abiso sa Plataporma ng YuMuuv o sa e-mail address na ibinigay mo sa amin. Kung hindi ka sumasang-ayon sa mga pagbabago sa Mga Tuntuning ito, malaya mong maihihinto ang paggamit mo ng Plataporma ng YuMuuv.
8.2. Maaari mong wakasan ang iyong Account ng Gumagamit anumang oras.
8.3. Hindi mananagot ang YuMuuv o ang Gumagamit para sa paglabag sa mga obligasyong nakasaad sa Mga Tuntuning ito kung ang naturang paglabag ay maituturing na dulot ng force majeure.
8.4. Ang hindi namin pagpapatupad ng anumang probisyon ng Mga Tuntuning ito o paggamit ng anumang karapatan sa ilalim nito sa isang pagkakataon ay hindi naglilimita sa aming karapatang hingin ang pagtupad o gamitin ang aming karapatan sa mga susunod na pagkakataon.
8.5. Kung ang anumang probisyon ng Mga Tuntuning ito ay itinuturing na hindi balido, walang bisa o hindi maipapatupad sa anumang dahilan, ang naturang probisyon ay ituturing na hindi kasama sa Mga Tuntunin at mananatiling balido at maipapatupad ang natitirang bahagi ng Mga Tuntunin.
8.6. Ang mga kaukulang hukuman ng Estonia ang magkakaroon ng hurisdiksyon kaugnay ng Mga Tuntuning ito at lahat ng iba pang kasunduan sa pagitan ng YuMuuv at ng Gumagamit, bagama't pinananatili namin ang karapatang magsampa ng kaso laban sa iyo dahil sa paglabag sa mga kundisyong ito sa iyong bansang tinitirhan o sa anumang iba pang kaugnay na bansa. May karapatan ka ring magsampa ng kaso laban sa amin sa iyong bansang tinitirhan. Ang kaukulang batas ng Estonia ang ilalapat sa Mga Tuntuning ito, at nalalapat din ang mga sapilitang probisyon sa proteksyon ng mamimili sa iyong bansang tinitirhan. Kung isa kang mamimili sa Estonia, maaari kang magsumite ng paghahabol sa Komite sa mga Alitan ng Mamimili na lumulutas ng mga usapin sa labas ng hukuman (Tarbijavaidluste komisjon (https://ttja.ee/tarbijavaidluste-komisjon)) o maaari mong gamitin ang online na plataporma para sa paglutas ng mga alitan ng mamimili: https://ec.europa.eu/consumers/odr/main/?event=main.home2.show.
Huling na-update: Abril 24, 2025