Umbreyttu hreyfingu í skref

Máttur skrefanna

Skref hafa lengi verið almennur mælikvarði á líkamlega hreyfingu. Þau eru einföld, auðskiljanleg og skapa sameiginlegan grunn til að bera saman hreyfingu fólks óháð líkamsástandi. Hvort sem þú gengur um skrifstofuna, ferð í fjallgöngu eða dansar í stofunni er skrefafjöldi samræmd leið til að mæla það sem þú leggur á þig.

Þörfin fyrir sveigjanleika

Þótt skref séu frábær mælikvarði til að fylgjast með hreyfingu felur ekki öll hreyfing í sér skref. Margir stunda æfingar á borð við jóga, lyftingar eða sund sem er ekki hægt að telja beint í skrefum. Hér kemur umbreyting hreyfingar í skref að gagni og gerir heilsuáskoranir sveigjanlegri og aðgengilegri fyrir alla.

Brúum bilið

Umbreyting hreyfingar í skref snýst ekki um að koma í stað skrefa heldur að brúa bilið milli skrefaáskorana og annarrar hreyfingar. Hún tekur mið af því að ekki allir geta eða vilja einbeita sér eingöngu að skrefafjölda, og það er í góðu lagi. Markmiðið er að allir geti verið með á sínum forsendum og fái hvatningu til að hreyfa sig á sinn hátt.

Umbreytingartafla fyrir skref

* skrefafjöldi á mínútu
 

Af hverju að umbreyta hreyfingu í skref?

1. Jafnar stöðu ólíkra hreyfiforma

Einn helsti kosturinn við að umbreyta hreyfingu í skref er að þannig sitja ólík hreyfiform við sama borð. Í hefðbundnum skrefaáskorunum teljast hjólreiðar eða sund ekki endilega með í skrefamarkmiðum og því getur fólki sem kýs þessa hreyfingu fundist það vera út undan. Með því að umbreyta hreyfingu í skref geta allir lagt sitt af mörkum í áskoruninni, svo hún verði sanngjörn og allir geti verið með.

2. Hvetur til fjölbreytni

Þótt skref séu góður mælikvarði getur það þrengt sýnina á hreyfingu að einblína eingöngu á þau. Sumir geta orðið svo uppteknir af því að ná ákveðnum skrefafjölda að önnur hreyfing situr á hakanum. Umbreyting hreyfingar í skref hvetur til fjölbreytni þar sem þátttakendur geta prófað ólíka hreyfingu og samt lagt sitt af mörkum í áskoruninni.

3. Persónuleg nálgun

Fólk hefur ólík markmið með þjálfun sinni. Sumir vilja auka þol en aðrir leggja áherslu á styrktarþjálfun eða liðleika. Með því að umbreyta hreyfingu í skref geta notendur valið þá hreyfingu sem hentar þeirra eigin markmiðum. Þessi sveigjanleiki viðheldur áhuga og hvatningu þátttakenda.

Svona er hreyfingu breytt í skref

Í YuMuuv er einfalt og auðvelt að umbreyta hreyfingu í skref. Svona virkar það:

1. Veldu hreyfingu: Þegar þú tekur þátt í heilsuáskorun geturðu valið úr fjölbreyttri hreyfingu í appinu. Þar er allt frá hefðbundinni hreyfingu sem er mæld í skrefum til jóga, lyftinga, sunds og fleira.

2. Skráðu tímalengd: Tilgreindu hversu lengi þú hreyfðir þig. Ef þú fórst til dæmis í 45 mínútna jógatíma skráirðu 45 mínútur.

3. Umbreyttu í skref: Reiknirit YuMuuv reiknar út samsvarandi skrefafjölda út frá tegund hreyfingar og tímalengd. Umbreytingin er hönnuð til að vera eins nákvæm og hægt er svo hún endurspegli framlag þitt á sanngjarnan hátt.

4. Leggðu þitt af mörkum: Skrefunum er svo bætt við heildarskrefafjöldann þinn í áskoruninni. Þannig geturðu fylgst með framförum þínum og séð hvernig hreyfingin sem þú velur hjálpar þér að ná heilsumarkmiðunum þínum.

Meira en skref: aðrar áskoranir

Þótt umbreyting hreyfingar í skref skipti sköpum fyrir marga veit YuMuuv að fjölbreytni gerir lífið skemmtilegra. Appið býður upp á fleiri gerðir áskorana til að mæta ólíkum heilsumarkmiðum og áhugasviðum.

1. Áskoranir byggðar á æfingatíma

Fyrir þá sem kjósa að fylgjast með tímanum sem fer í hreyfingu býður YuMuuv upp á áskoranir byggðar á æfingatíma. Hvort sem markmiðið er 150 mínútur af hreyfingu á miðlungsákefð á viku eða ákveðinn æfingatími á dag hvetja þessar áskoranir til reglulegrar hreyfingar án þess að þurfa að umbreyta henni í skref.

2. Áskoranir byggðar á hreyfivísitölu

Áskoranir byggðar á hreyfivísitölu nálgast vellíðan á heildrænan hátt með því að taka mið af fjölbreyttri hreyfingu og áhrifum hennar á almenna heilsu. Þátttakendur vinna sér inn stig eftir tegund og ákefð hreyfingarinnar, sem hvetur til jafnvægis og fjölbreytni í þjálfun.