அணியில் சேர்வதும் அணியை மாற்றுவதும்

1. கணக்கு இல்லையென்றால் அணியைத் தேர்ந்தெடுப்பது

உங்களிடம் YuMuuv கணக்கு இல்லையென்றால், பதிவு செய்யும்போதே உங்களுக்கான அணியைத் தேர்ந்தெடுக்கலாம். பதிவுக் குறியீடு, மின்னஞ்சல் முகவரி ஆகியவற்றை உள்ளிட்டு, கடவுச்சொல்லை உருவாக்கிய பிறகு, அடுத்த பக்கத்திற்குச் செல்வீர்கள். அங்கே உங்கள் பெயரை உள்ளிட்டு, அணி கீழ்தோன்றும் பட்டியலில் சரியான அணியைத் தேர்ந்தெடுங்கள்.

2. ஏற்கெனவே கணக்கு இருந்தால் அணியைத் தேர்ந்தெடுப்பது

உங்களிடம் ஏற்கெனவே YuMuuv கணக்கு இருந்து, அணியைத் தேர்ந்தெடுக்க விரும்பினால், உங்கள் விவரங்கள் பக்கத்திற்குச் செல்லுங்கள் (மேல் வலது மூலையில் உள்ள சுயவிவர வட்டத்தை அழுத்தி, உங்கள் விவரங்கள் என்பதைத் தேர்ந்தெடுங்கள்). கீழே உருட்டி, நிறுவனங்கள் & சமூகங்கள் பகுதிக்குச் சென்று, அணிப் பட்டியலைப் பார்க்கச் சற்று இடதுபுறமாக ஸ்வைப் செய்யுங்கள். பட்டியலில் உங்களுக்கான சரியான அணியைத் தேர்ந்தெடுங்கள். 

3. தவறான அணியில் இருக்கிறேன்/அணியை மாற்ற விரும்புகிறேன். என்ன செய்வது? 

சவால் அமைப்பாளர் அணியை மாற்ற அனுமதித்திருந்தால், உங்கள் விவரங்கள் பக்கத்தில் பின்வரும் படிகளைப் பின்பற்றி உங்கள் அணியை மாற்றலாம்:

1. மேல் வலது மூலையில் உள்ள உங்கள் சுயவிவர வட்டத்தை அழுத்துங்கள்.

2. உங்கள் விவரங்கள் என்பதைத் தேர்ந்தெடுங்கள்.

3. கீழே உருட்டி, நிறுவனங்கள் & சமூகங்கள் பகுதிக்குச் செல்லுங்கள்.

4. அணிப் பட்டியலைப் பார்க்கச் சற்று இடதுபுறமாக ஸ்வைப் செய்யுங்கள்.

5. பட்டியலில் உங்களுக்கான சரியான அணியைத் தேர்ந்தெடுங்கள்.

4. என் அணியில் யார் இருக்கிறார்கள் என்று எப்படிப் பார்ப்பது?

உங்கள் அணியில் யார் இருக்கிறார்கள் என்று பார்க்க, சவாலில் உள்ள அணிகள் தரவரிசை தாவலுக்குச் சென்று, உங்கள் அணியின் பெயரை அழுத்துங்கள். அணியின் அனைத்து உறுப்பினர்களின் பட்டியலும் திறக்கும்.

தனிநபர்கள் தரவரிசையில் உள்ள வடிகட்டு பொத்தானைப் பயன்படுத்தி, உங்கள் அணியின் பெயரைத் தேர்ந்தெடுத்தும் உங்கள் அணியின் அனைத்து உறுப்பினர்களையும் பார்க்கலாம்.

மேலும், எளிதில் தெரிந்துகொள்ளும் வகையில், ஒவ்வொரு பங்கேற்பாளரின் பெயருக்குக் கீழும் அவர்களது அணியின் பெயர் காட்டப்படும்.

 

எங்கள் செயலியில் வழிசெல்வதில் ஏதேனும் சிக்கல் இருந்தால், நேரடியாக எங்களைத் தொடர்புகொள்ளுங்கள் .