Árleg vellíðunaráætlun fyrir alla

Ertu að velta fyrir þér hvaða áskoranir eigi heima í árlegri vellíðunaráætlun svo hún sé bæði spennandi og við allra hæfi? Lestu áfram. Árlega vellíðunaráætlunin fyrir alla er hönnuð þannig að auðvelt sé fyrir hvert og eitt að taka þátt, óháð aldri eða líkamsformi.

Áætlunin nær yfir heilt ár og samanstendur af 12 mánaðarlöngum áskorunum sem snerta ólíka þætti vellíðunar. Samskipti og umbun skipta auðvitað líka máli, en skýr áætlun er nauðsynlegur grunnur að góðum árangri. Þú finnur allar fjórar tilbúnu áætlanirnar á síðunni með sniðmátum fyrir vellíðunaráskoranir.

1. Janúar: Núvitundarmánuður

Verkefni: Núvitund

Tegund: Reglusemi / Einstaklingsáskorun

Markmið: 10 mínútur á dag × 16 dagar af 31

Árið byrjar með áherslu á geðheilsu – eins og sagt er byrjar allt í höfðinu og það á líka við um heilsu á vinnustað. Markmiðið er að stunda núvitund í 10 mínútur á dag að minnsta kosti helming daganna í janúar. Stuðningsefni, til dæmis leiðsögn í núvitund, auðveldar fólki að ná markmiðinu.

2. Febrúar: Kraftur í hreyfinguna

Verkefni: Hreyfitími

Tegund: Reglusemi / Lið (5 þátttakendur)

Markmið: 2 klukkustundir á dag (samtals hjá liðinu) × 20 dagar af 28

Áskorunin í febrúar snýst um tíma sem fer í hreyfingu. Hvert og eitt velur þá hreyfingu sem því hentar, hvort sem hún er róleg eða krefjandi, og allt telur jafnt – aðalatriðið er að fá fólk til að hreyfa sig. Þetta er liðsáskorun: þátttakendurnir fimm stefna saman að 2 klukkustunda hreyfingu á dag að minnsta kosti 20 af 28 dögum febrúarmánaðar.

Pilt

3. Mars: Hlúðu að svefninum

Verkefni: Svefn

Tegund: Reglusemi / Einstaklingsáskorun

Markmið: 7 klukkustundir á nóttu × 26 dagar af 31

Mars er kjörinn mánuður til að leggja áherslu á svefn. Markmiðið er að sofa í að minnsta kosti 7 klukkustundir að minnsta kosti 26 af 31 nótt. Þau sem ná því munu finna hvað skapið og afköstin batna mikið. Gott aukaráð fyrir þessa áskorun: slepptu skjám í að minnsta kosti klukkustund fyrir svefn. Lestu meira um hvers vegna svefn skiptir máli.

4. Apríl: Tölum á göngu

Verkefni: Ganga / hlaup

Tegund: Reglusemi / Einstaklingsáskorun

Markmið: 20 mínútur × 20 dagar af 30

Apríl er góður mánuður til að færa fundina út á göngu, því þessi áskorun gengur út á að þátttakendur hreyfi sig í að minnsta kosti 20 mínútur að minnsta kosti 20 af 30 dögum aprílmánaðar. Ganga eða hlaup – það skiptir ekki máli, svo lengi sem fólk hreyfir sig og kemur sér upp reglulegum venjum. Ekki gleyma að deila myndum í spjallinu.

5. Maí: Styrkjum kjarnann

Verkefni: Planki

Tegund: Heildarmagn / Lið (5 þátttakendur)

Markmið: 1.000 mínútur

Til að gera planka þarf ekkert nema rétta líkamsstöðu og svolítið gólfpláss. Þessi kjarnastyrksæfing hentar mörgum því hægt er að létta hana með því að setja hnén í gólfið. Það erfiðasta er ekki að gera hana heldur að muna eftir henni. Markmiðið er að hvert lið safni saman 1.000 mínútum yfir mánuðinn.

Pilt

6. Júní: Láttu skrefin telja

Verkefni: Skref

Tegund: Reglusemi / Einstaklingsáskorun

Markmið: 10.000 skref × 15 dagar af 30

Í júní er komið að kunnuglegustu áskoruninni af öllum: skrefum. Í þetta sinn er markmiðið að ná 10.000 skrefum á dag að minnsta kosti helming daganna í júní. Áskorun sem snýst um reglusemi hvetur fólk til að hreyfa sig án þess að fara út í öfgar – hún snýst um að skapa venjur sem endast. Hér sérðu hvernig þú býrð til skrefaáskorun.

7. Júlí: Vatnið í fyrirrúmi

Verkefni: Vatnsdrykkja

Tegund: Reglusemi / Einstaklingsáskorun

Markmið: 8 glös á dag × 21 dagur af 31

Um mitt sumar, þegar hitinn hækkar, verður sérstaklega mikilvægt að drekka nóg. Vatnsdrykkjuáskorun hjálpar fólki líka oft að skipta út óhollari drykkjum fyrir vatn. Markmiðið er að drekka 8 glös af vatni á dag að minnsta kosti 21 af 31 degi júlímánaðar.

8. Ágúst: Náum næsta áfanga

Verkefni: Vegalengd

Tegund: Sameiginleg áskorun

Markmið: Fjöldi þátttakenda × 241 km (150 mílur)

Í ágúst vinna allir að sameiginlegu vegalengdarmarkmiði: 241 km (150 mílur) á hvern þátttakanda yfir mánuðinn, lagt saman fyrir allan hópinn. Hlaup, ganga, hjólreiðar og önnur hreyfing telja með – aðalatriðið er að einhver líkamleg áreynsla fylgi.

Pilt

9. September: Hitaeiningar sem nýtast

Verkefni: Hitaeiningar

Tegund: Sameiginleg áskorun

Markmið: Fjöldi þátttakenda × 69.000 kcal

Í september einbeitum við okkur að hitaeiningunum sem gera gagn – þeim sem við brennum. Þetta er sameiginleg áskorun með einu markmiði þar sem hvert og eitt leggur sitt af mörkum eins og er hollt og raunhæft fyrir viðkomandi. Hafðu í huga að hitaeiningabrennsla fer eftir líkama hvers og eins, svo fleiri hitaeiningar þýða ekki endilega meiri áreynslu.

10. Október: Útivist í október

Verkefni: Tími utandyra

Tegund: Heildarmagn / Einstaklingsáskorun

Markmið: 1.000 mínútur

Október er kjörinn mánuður til að njóta náttúrunnar. Markmiðið í þessari útivistaráskorun er 1.000 mínútur á mann yfir mánuðinn – helst í dagsbirtu á meðan hennar nýtur enn við. Njóttu náttúrunnar og deildu bestu myndunum þínum í spjalli áskorunarinnar.

Pilt

11. Nóvember: Betra jóga en gos

Verkefni: Jóga

Tegund: Heildarmagn / Einstaklingsáskorun

Markmið: 300 mínútur

Jógaáskorun hentar fullkomlega í nóvember. Sumum finnst kannski jóga of kyrrstætt, en til eru margar gerðir – ef þú vilt reyna á vöðvana skaltu prófa kraftjóga eða akrójóga. Hvað sem þú velur er 300 mínútna markmið kærkomin hvatning í haustkuldanum og myrkrinu.

12. Desember: Eldum af hjartans lyst!

Verkefni: Matreiðsla (sérsniðið verkefni)

Tegund: Sameiginleg áskorun

Markmið: Fjöldi þátttakenda × 3 máltíðir

Við ljúkum árinu með áskorun um holla matreiðslu. Góður matur er stór hluti af hátíðunum og því er þetta kjörinn tími til að deila hollum uppskriftum og prófa að elda eftir þeim. Þar sem þetta er sameiginleg áskorun geta sumir lagt til einn rétt en aðrir fleiri – hver máltíð telur.

13. Að lokum

Nú hefurðu yfirsýn yfir árlegu vellíðunaráætlunina fyrir alla. Til að hrinda henni í framkvæmd geturðu bókað kynningu og við hjálpum þér að setja hana upp. Ef þú vilt bera saman aðra kosti eru hér þrjár áætlanir til viðbótar: árleg vellíðunaráætlun með áherslu á hreyfingu, fjölbreyttasta árlega vellíðunaráætlunin og árleg vellíðunaráætlun YuMuuv-teymisins. Viltu ræða málin? Hafðu samband og saman tryggjum við að teymið þitt fái bestu mögulegu áætlunina.